तेहराण
‘इस्लामिक स्टेट’सह सुन्नी दहशतवादी संघटनांचं लक्ष्य असलेला इराण आज साखळी हल्ल्यांनी हादरला. इराणची संसद, दिवंगत नेते अयातुल्लाह खोमेनी यांचं स्मारक व तेहराणमधील मेट्रो स्थानकावर दहशतवाद्यांनी एकाच वेळी हल्ला चढवला. या हल्ल्यांत आठ लोक जखमी झाले आहेत. संसद परिसरात घुसलेल्या दहशतवाद्यांनी काही लोकांना ओलीस ठेवल्याचं वृत्त आहे. हल्लानंतर काही वेळातच इराणी लष्करानं संसदेचा ताबा घेतला असून दहशतवाद्यांशी चकमक सुरू आहे.
स्थानिक वृत्तवाहिन्यांनी दिलेल्या माहितीनुसार, चार बंदूकधारी दहशतवादी आज इराणच्या संसदेत घुसले आणि त्यांनी संसद परिसरात अंदाधुंद गोळीबार केला. त्यात एका सुरक्षा रक्षकासह संसद भवनास भेट देण्यास आठ नागिरकांचा मृत्यू झाला. हल्लेखोरांनी काही लोकांना ओलीस ठेवलं असून त्यांच्या सुटकेचे प्रयत्न सुरू आहेत. हल्लेखोरांकडं एके-४७ रायफल व हँडगनसारखी शस्त्रं आहेत. हल्ल्यात मारल्या गेलेल्या सुरक्षा अधिकाऱ्याचा मृतदेह संसदेच्या आवारातून बाहेर काढण्यात आला आहे. हा हल्ला नेमका कुणी व का केला, याबाबत माहिती मिळू शकली नाही.
दक्षिण तेहराणमध्ये असलेल्या अयातुल्ला खोमेनी यांच्या स्मारकावर दुसरा हल्ला झाला. काही शस्त्रसज्ज हल्लेखोरांनी या स्मारकावर बेछूट गोळीबार केला. यात पाच लोक जखमी झाले. या हल्ल्याप्रकरणी एक महिलेला अटक करण्यात आली आहे. तिसरा हल्ला मध्य तेहराणमधील खोमेनी मेट्रो रेल्वे स्थानकावर करण्यात आल्याचं वृत्त आहे.
सर्वात जलद, सर्वात लोकप्रिय! पंढरपूर लाईव्ह वर आपल्या व्यवसायाची जाहिरात द्या.. अल्पदरात!! मुख्य संपादक-भगवान वानखेडे संपर्क- 8308838111
