मद्याच्या बॉक्समधून ९५ लाखांचे सोने जप्त

दुबईहून इमिरेट्स (ईके ५००) या फ्लाइटने मुंबईला येत असलेला नथूभाई सोन्याची तस्करी करीत असल्याची माहिती अधिकाऱ्यांना मिळाली होती. विमानतळावर त्याच्या सामानाची झडती घेतली असता, त्याच्याकडे प्रत्येकी दहा तोळे वजनाचे २७ सोन्याचे बार मिळाले. आंतरराष्ट्रीय बाजारपेठेत त्याची किंमत ९५ लाख आहे. विपुलकुमारने सोन्याच्या पट्ट्या टेपने गुंडाळून ‘जीम बीम’ या विदेशी मद्याच्या कंपनीच्या बॉक्समध्ये ठेवले होत्या. दारूच्या बॉक्सवर ड्यूटी फ्रीचा शिक्का होता, अशी माहिती अधिकाऱ्याने दिली.