पुणे
एप्रिल महिन्यात लोणावळ्याजवळच्या टेकडीवर झालेल्या दुहेरी हत्याकांडाचा छडा लागला असून पुणे ग्रामीण पोलिसांच्या विशेष तपास पथकाने एका आरोपीला अटक केली आहे. चोरीच्या उद्देशानं ही हत्या झाल्याचं चौकशीतून समोर आलं आहे. एक आरोपी फरार असून पोलीस त्याच्या मागावर आहेत. चोरलेल्या मोबाइलमुळे ही दुकली पोलिसांच्या जाळ्यात अडकली.
सिंहगड महाविद्यालयात इंजिनीअरिंगच्या तिसऱ्या वर्षाला असलेला सार्थक दिलीप वाकचौरे (वय २२) आणि श्रुती संजय डुंबरे (वय २१) या दोघांचे मृतदेह भुशी डॅमच्या वरील टेकडीवर छिन्नविच्छिन्न अवस्थेत आढळले होते. दोघांचेही हातपाय बांधलेले होते आणि त्यांच्या अंगावर जखमाही होत्या. त्यावरूनच, त्यांची हत्या झाली असावी, असा अंदाज पोलिसांनी व्यक्त केला होता. या दोघांचे मोबाइल गायब होते, पण अंगावरील दागिने, पाकिटातील पैसे तसेच होते. त्यामुळे हत्येमागचं नेमकं कारण कळू शकत नव्हतं. या प्रकरणाच्या तपासासाठी पुणे ग्रामीण पोलिसांचं विशेष पथक नेमण्यात आलं होतं. त्यांना एकेक धागा सापडत असतानाच, वरिष्ठ पोलीस निरीक्षक आणि सायबर एक्स्पर्ट सुनील पवार यांनी सार्थक आणि श्रुतीच्या गायब झालेल्या मोबाइलची ‘रेंज’ शोधण्याचा प्रयत्न केला. त्यात त्यांना यश आलं. लोणावळ्यातील सराईत गुन्हेगार आरिफ ऊर्फ आसिफ आणि समीर या दोघांकडे ते मोबाइल असल्याचं स्पष्ट झाल्यानंतर पोलिसांनी शनिवारी आरिफला अटक केली.
आरिफनं आपण केलेल्या गुन्ह्याची कबुली दिली आहे. चोरीच्या उद्देशानंच आपण आधी सार्थकला मारलं आणि श्रुती साक्षीदार होऊ शकेल, या भीतीने तिचीही हत्या केली, असं त्यानं कबुलीजबाबात म्हटलं आहे. श्रुतीवर अतिप्रसंग करण्याचा प्रयत्न केल्याचंही त्यानं मान्य केलंय. आता समीरलाही लवकरात लवकर अटक करण्यासाठी पोलिसांनी चोख व्यवस्था केली आहे.पुणे
एप्रिल महिन्यात लोणावळ्याजवळच्या टेकडीवर झालेल्या दुहेरी हत्याकांडाचा छडा लागला असून पुणे ग्रामीण पोलिसांच्या विशेष तपास पथकाने एका आरोपीला अटक केली आहे. चोरीच्या उद्देशानं ही हत्या झाल्याचं चौकशीतून समोर आलं आहे. एक आरोपी फरार असून पोलीस त्याच्या मागावर आहेत. चोरलेल्या मोबाइलमुळे ही दुकली पोलिसांच्या जाळ्यात अडकली.
सिंहगड महाविद्यालयात इंजिनीअरिंगच्या तिसऱ्या वर्षाला असलेला सार्थक दिलीप वाकचौरे (वय २२) आणि श्रुती संजय डुंबरे (वय २१) या दोघांचे मृतदेह भुशी डॅमच्या वरील टेकडीवर छिन्नविच्छिन्न अवस्थेत आढळले होते. दोघांचेही हातपाय बांधलेले होते आणि त्यांच्या अंगावर जखमाही होत्या. त्यावरूनच, त्यांची हत्या झाली असावी, असा अंदाज पोलिसांनी व्यक्त केला होता. या दोघांचे मोबाइल गायब होते, पण अंगावरील दागिने, पाकिटातील पैसे तसेच होते. त्यामुळे हत्येमागचं नेमकं कारण कळू शकत नव्हतं. या प्रकरणाच्या तपासासाठी पुणे ग्रामीण पोलिसांचं विशेष पथक नेमण्यात आलं होतं. त्यांना एकेक धागा सापडत असतानाच, वरिष्ठ पोलीस निरीक्षक आणि सायबर एक्स्पर्ट सुनील पवार यांनी सार्थक आणि श्रुतीच्या गायब झालेल्या मोबाइलची ‘रेंज’ शोधण्याचा प्रयत्न केला. त्यात त्यांना यश आलं. लोणावळ्यातील सराईत गुन्हेगार आरिफ ऊर्फ आसिफ आणि समीर या दोघांकडे ते मोबाइल असल्याचं स्पष्ट झाल्यानंतर पोलिसांनी शनिवारी आरिफला अटक केली.
आरिफनं आपण केलेल्या गुन्ह्याची कबुली दिली आहे. चोरीच्या उद्देशानंच आपण आधी सार्थकला मारलं आणि श्रुती साक्षीदार होऊ शकेल, या भीतीने तिचीही हत्या केली, असं त्यानं कबुलीजबाबात म्हटलं आहे. श्रुतीवर अतिप्रसंग करण्याचा प्रयत्न केल्याचंही त्यानं मान्य केलंय. आता समीरलाही लवकरात लवकर अटक करण्यासाठी पोलिसांनी चोख व्यवस्था केली आहे.
