स्वेरीज अभियांत्रिकी महाविद्यालयाच्या मेकॅनिकल इंजिनिअरिंग विभागात ऑनलाइन फॅकल्टी डेव्हलपमेंट प्रोग्राम संपन्न

Pandharpur Live –

पंढरपूर: कोरोनाच्या पार्श्वभूमीवरील लॉकडाऊनच्या कालावधीमध्ये स्वेरीज कॉलेज ऑफ इंजिनिअरिंग, पंढरपूर मधील मेकॅनिकल इंजिनिअरिंग विभागाकडून  दिनांक ०१ जून ते ०६ जून २०२० या कालावधीमध्ये ‘रिसर्च ऑपॉर्च्युनिटीज अँड चॅलेंजेस इन मॅन्युफॅक्चरिंग सेक्टर’ या विषयावर ऑनलाइन फॅकल्टी डेव्हलपमेंट प्रोग्राम संपन्न झाला.

          जगभरातील वस्तू निर्माण क्षेत्रातील तंत्रज्ञानाच्या बदलत्या प्रवाहानुसार आपल्या महाविद्यालयातील प्राध्यापक वर्ग देखील अद्ययावत असणे गरजेचे असते. येत्या दशकामध्ये वस्तू निर्माण क्षेत्रातील प्रगतीसाठी व त्यामधील संशोधन आणि उपलब्ध संधी सर्वांपर्यंत पोहोचवण्याच्या दृष्टिकोनातून ही कार्यशाळा विनाशुल्क आयोजित करण्यात आली होती. या कार्यशाळेमध्ये देशभरातून तब्बल १३ राज्यातील विविध अभियांत्रिकी महाविद्यालयातील प्राध्यापक व औद्योगिक क्षेत्रातील एकूण ८३० जणांनी उस्फुर्तपणे सहभाग नोंदवला. स्वेरी विविध बौद्धिक उपक्रमांसाठी नेहमीच प्रोत्साहित करत असते आणि त्या दृष्टीने स्वेरीचे संस्थापक सचिव व अभियांत्रिकी महाविद्यालयाचे प्राचार्य डॉ. बी.पी. रोंगे यांच्या मार्गदर्शनाखाली सर्व विभागप्रमुख कार्यरत असतात. 

Adv. तुमच्या कल्पनेतील ’अद्ययावत शाळा’ कर्मयोगी विद्यानिकेतन, पंढरपूर; प्रवेश सुरु!