पंढरपूर सिंहगड कॉलेज व एम एस युनिव्हर्सिटी, बडोदा यांच्या मध्ये संशोधन सामजंस्य करार

    या संशोधन सामजंस्य करारामुळे  महाविद्यालयातील विद्यार्थ्यांच्या संशोधन वृत्तीला चालना मिळणार आहे. तसेच संशोधनासाठी शिक्षकांची, विद्यार्थ्यांची देवाण-घेवाण होणार असुन शैक्षणिक गुणवत्ता वाढविण्यासाठी नॅनोसायन्स आणि नॅनोटेक्नॉलॉजीमध्ये करिअरच्या अनेक संधी उपलब्ध होणार आहेत. या करारामुळे संशोधन अनुदान प्रस्ताव वेगवेगळ्या फंडिंग एजन्सीला एकञीत सादर करणे, एकञीत शोधनिबंध प्रकाशित करणे, वर्कशॉप आणि  कॉन्फरन्स

इत्यादी कार्यक्रम आयोजित करण्यात येणार आहेत. विद्यार्थी व शिक्षक यांची गुणवत्ता वाढीसाठी हा संशोधन सामजंस्य करार महत्वपूर्ण ठरणार आहे.

    गुजरात मधील एम. एस. युनिव्हर्सिटी, बडोदा व पंढरपूर सिंहगड अभियांत्रिकी महाविद्यालय यांच्यातील हा संशोधन सामजंस्य करार पाच वर्षासाठी करण्यात आला आहे. हा संशोधन सामजंस्य कराराच्या दरम्यान एम. एस. युनिव्हर्सिटी येथील संशोधक डॉ. चेतन पांचाल व पंढरपूर सिंहगड अभियांत्रिकी महाविद्यालयातील डॉ. संपत देशमुख यांनी प्रतिनिधी म्हणून काम पाहिले.

   हा करार यशस्वी करण्यासाठी प्रा. अनिल निकम, डॉ. स्वानंद कुलकर्णी, डॉ. चेतन पिसे, डॉ. रविंद्र व्यवहारे, डॉ. अल्ताफ मुलाणी, डॉ. श्याम कुलकर्णी, डॉ. राजश्री बाडगे, प्रा. समीर कटेकर, प्रा. सुधा सुरवसे, प्रा. श्रीनिवास गंजेवार, प्रा. नामदेव सावंत आदीसह महाविद्यालयातील सर्व शिक्षक व शिक्षकेत्तर कर्मचा-यांनी परिश्रम घेतले.