सोलापूर : महाराष्ट्र राज्य विद्युत वितरण कंपनी, सोलापूर विभागाकडून १३२ के.व्ही/३३ के.व्ही मंद्रुप सबस्टेशनहून टाकळी हेड वर्क्सला ३३ के.व्ही उच्चदाब विद्युत पुरवठा अचानक बुधवारी खंडीत झाल्याने टाकळी वरुन पाण्याचा उपसा कमी झाला आहॆ.
उजनी हेड वर्क्सला इंदापूरहून येणारे विद्युत पुरवठ्यामध्ये अनियमितता व कमी दाबाने झाल्यामुळे ३१ मे व दि.१ जून रोजी पूर्ण क्षमतेने पाण्याचा उपसा होवू शकला नाही. त्यामुळे शहराला पाणीपुरवठा एक दिवस उशिरा होणार आहॆ.
टाकळी हेड वर्क्स व उजनी हेड वर्क्स येथून होणारा २ जून रोजीचा नियोजित पाणी पुरवठा एक रोटेशन पुढे जाणार आहे.
तरी कृपया नागरिकांनी उपलब्ध पाण्याचा वापर काटकसरीने करुन महानगरपालिकेस सहकार्य करावे, असे आवाहन करण्यात आले आहे.
