उमदी (ता.जत) पासून दोन किलोमीटर अंतरावर असलेल्या उमदी – पंढरपूर या राष्ट्रीय महामार्गावर दोन दुचाकीची समोरासमोर झालेल्या धडकेत दोघेजण ठार झाले.
याबाबत अधिक माहिती अशी, शिवणगी येथील भीमराव पडवळे हे मोटरसायकल वरून पंढरपूर – विजापूर या राष्ट्रीय महामार्गावरून शेवाळे वस्तीकडे जात होते. दरम्यान उटगी येथील युवक याच महामार्गावरून मंगळवेढ्याकडे जात होता. दोन्ही दुचाकींची समोरासमोर धडक झाली. यात भीमराव पडवळे हे जागीच ठार झाले. जखमी पडवळे यांना त्यांचे भाऊ बिरापा पडवळे यांनी जत ग्रामीण रुग्णालयात हलविले. रुग्णालयाचे वैद्यकीय अधिकारी डॉ. सदाकाळे यांनी उपचारापूर्वीच मृत्यू झाल्याचे सांगितले.
इराप्पा गंभीर जखमी झाला होता. त्याला उपचाराकरिता सांगलीला नेत असताना रस्त्यातच कवठेमंहकाळ दरम्यान त्याचा मृत्यू झाला. या अपघाताची भीषणता एवढी होती की, दोन्हीही दुचाकींचा चक्काचूर झाला. तपास जत पोलीस करत आहेत.
