सरते वर्ष २०२२ ला बायबाय करून आता नवे संकल्प घेऊन २०२३ या नवीन वर्षाला सुरुवात झालीय. गतवर्षी सोशल मीडियावर अनेक धक्कादायक व्हिडीओ व्हायरल झाल्याचे आपण पाहिले असतील.
हा थरारक व्हिडीओ worldofsnakess या इन्स्टाग्रावर पेजवर शेअर करण्यात आला आहे. “व्हिडीओ शेअर केल्यानंतर कॅप्शनमध्ये लिहिलंय, इतर प्राण्यांप्रमाणे या अजगरालाही एकटं राहायचंय. घरी अशा सापांसोबत जीवघेणा खेळ करण्याचा प्रयत्न करु नका. त्यांना फक्त एकटं राहून जंगलात फिरायचं आहे.” क्रिंग कोब्रा, इंडियन कोब्रा, घोणस अशा विषारी सापांना पकडायला जाणंही काही जणांच्या जीवावर बेतलं आहे.
सापाला पकडून व्हिडीओ काढून सोशल मीडियावर हिरोगीरी करण्याचा प्रयत्न करणाऱ्यांना आपला जीव गमवावा लागल्याच्या अनेक घटना समोर आल्या आहेत. वन विभागाकडून सापांना न पकडण्याचे आणि त्यांच्या जवळपास फिरू नये, अशा सूचना लोकांना नेहमीच दिल्या जातात. पण काही माणसं नियमांचं उल्लंघन करून सापाला पकडण्याचं धाडस करतात आणि स्वत:चा जीव धोक्यात टाकतात.
व्हायरल झालेल्या या व्हिडीओत तुम्ही पाहू शकता एक व्यक्ती घरी आणलेल्या सापासोबत कशाप्रकारे खेळ करत आहे. पण सापाला पकडल्यानंतर काही सेकंदातच साप त्याच्या अंगावर धावून येतो आणि त्याला दंश करण्याचा प्रयत्न करतो. साप दंश करण्याच्या प्रयत्नात असताना तो व्यक्ती स्वत:ला कसाबसा सावरतो आणि सापाच्या हल्लापासून तो वाचतो. पण या विशाल अजगराने या व्यक्तीला त्याच्यासोबत बिनकामाची मस्ती केल्यावर काय घडतं? याचं जीवंत उदाहरण दिलं आहे. सापानेही त्याचा रंग दाखवून त्या माणसाला धडा शिकवल्याचं या व्हिडीओत दिसत आहे.
