तरुणाईला बाईकचे किती वेड असते हे काही नव्याने सांगायला नको. एखादी बाईक रस्त्यावर बाजूने गेली की आपसूकच अनेकांचे डोळे त्या दिशेने वळतात. बाईकचा वेग कितीही असला तरी अनेकांना त्या गाडीच्या नावापासून फीचर पर्यंत सगळं काही एक झटक्यात समजतं, इतकं लोकांना बाईकचं क्रेज असतं.
सध्या अशाच एका घटनेचा व्हिडीओ व्हायरल होत आहे. यात एक दुचाकीस्वार त्याच्या बाईकच्या सीटवरून हवेत फेकला गेला. बाईक चालवताना हवेतून भल्यामोठ्या दगडासारखी वस्तू समोरून त्याच्या डोक्यावर आदळली. आणि आपल्यासह त्या बाईक चालकाला उडवून घेऊन गेली. चालकाशिवाय बाईक काही सेकंद पुढे गेली आणि खाली पडली. हे सर्व जर रेकॉर्ड झाले नसते तर कदाचित यावर विश्वासही बसला नसता. हा धक्कादायक व्हिडिओ सध्या तुफान व्हायरल झाला आहे.
काही दिवसांपूर्वी अशाच पद्धतीने एका बाईक चालकाच्या गल्य्यात दोरखंड अडकल्याने तो भररस्त्यात बाईकवरून उलटा खेचला गेल्याचे दिसले होते. बाजूने जाणाऱ्या ट्र्कला बांधलेला दोरखंड सैल होऊन हा अपघात झाला होता. हे अपघात अनपेक्षित असले तरी मागील काही काळात बाईकवर स्टंट करतानाही काही जण संकटात आले आहेत. भिवंडी व नंतर तामिळनाडूमध्ये काही जोडपी असे विचित्र चाळे करताना बाईक चालवतानाचे व्हिडीओ सुद्धा धक्कादायक आहेत
