रयतच्या शिक्षणातून जीवन घडविण्याचे विचार : देशमुख

पंढरपूर तालुक्यातील रोपळे येथील शिवाजीभाऊ बाबा पाटील विद्यालयामध्ये कर्मवीर जयंतीच्यानिमीत्ताने आयोजीत करण्यात आलेल्या कार्यक्रमाप्रसंगी देशमुख अध्यक्षस्थानावरून बोलत होते. कार्यक्रमासाठी मध्य विभागाचे सहसचिव व्ही. एम. महाडीक,शिवाजीभाऊ पाटील, जनरल बॉडी सदस्य मारूतीआबा पाटील,  बाळासाहेब पाटील, संचालक दिनकर कदम, माजी पं. स.सदस्य महेश कदम, माजी संचालक विलास भोसले, नागनाथ माळी, नारायण गायकवाड, माजी कृषी अधिकारी मधूकर गुंजाळ, उपसरपंच गणेश भोसले, विलासआप्पा भोसले, विकास प्रतिष्ठानचे अध्यक्ष अर्जून भोसले, तंटामुक्तीचे अध्यक्ष जनक भोलसे, माधव कारंडे, विठ्ठल गोडसे, सोलनकर, गुलाबराव माने, माणिक चौधरी, अरूण भोसले, सगुना शेडगे यांच्यासह इतर मान्यवर उपस्थित होते.  कार्यक्रमाच्या सुरूवातीस थोर देणगीदार गोविंद निंबाळकर यांना श्रध्दांजली वाहण्यात आली.  कार्यक्रमाप्रसंगी गुणवंत विद्यार्थ्यांचा गौरवही करण्यात आला.

पुढे बोलताना देशमुख यांनी कोणत्याही संकटावर मात करीत विद्यार्थ्यांच्या भवितव्यासाठी झटणारा रयत सेवक लाखमोलाचा असून अशा उत्कृष्ट रयत सेवकाचाही गौरव झाला पाहीजे. असे सांगितले तर यावेळी मारूतीआबा पाटील आणि व्ही.एम.महाडीक यांनी आपल्या भाषणातून रयत शिक्षण संस्थेच्या संस्कारक्षम शैक्षणिक कार्याचा गौरव केला. 

तर कार्यक्रम यशस्वी करण्यासाठी प्राचार्य सखाराम बागल यांच्या मार्गदर्शनाखाली शिक्षक व शिक्षकेत्तर कर्मचारी यांनी परिश्रम घेतले.