‘पाझर’ या मराठी चित्रपटाच्या निर्माता दिग्दर्शकांचा पंढरीत सत्कार

‘पाझर’ या मराठी चित्रपटाच्या निर्माता दिग्दर्शकांचा पंढरीत सत्कार

पंढरपूर (प्रतिनिधी):- दादासाहेब फाळके यांच्या नावाचा पुरस्कार मिळालेला मराठी चित्रपट ‘पाझर’ निर्माते जगदीश जोजारे,  दिग्दर्शक अनिल केंगार यांचा व बालकलाकार ओम जोजारे यांचा सत्कार पंढरीतील इंदिरा गांधी भाजी मार्केट व छावा क्रांतीविर सेना यांच्या वतीने करण्यात आला.

यावेळी छावा क्रांतीविर सेनेचे जिल्हाध्यक्ष धनराज लटके म्हणाले की, ‘‘एक रिक्षावाला सर्वसामान्य माणुस जर राज्य पातळीवरील पुरस्कारप्राप्त चित्रपटाची निर्मिती करुन यशस्वी होत असेल आणि आपल्या पंढरपूरचे नांव सिनेसृष्टीत गाजवतोय ही बाब अभिमानास्पद आहे. त्यांचे व त्यांच्या टीमचे कौतुकच केले पाहिजे. त्याचाच भाग म्हणून आम्ही त्यांच्या या सत्काराचे आयोजन केले आहे. निर्माता जगदीश जोजारे व अनिल केंगार यांनी अशीच उत्तमोत्तम चित्रपटांची निर्मिती करत रहावी व त्यांचे चित्रपट यशस्वी व्हावेत ही अपेक्षा व्यक्त करतो.’’ 

यावेळी जेष्ठ मार्गदर्शक अरुणकाका शिंदे व धनराज लटके यांच्या हस्ते निर्माता दिग्दर्शक व बालकलाकार ओम जोजारे, गीतकार ईश्‍वर पाटोळे यांचा सत्कार करण्यात आला.  यावेळी पंकज बहादुले, रमेश शेंबडे, माजी सरपंच महादेव शिंदे, यासीन बागबान, अनंता घाडगे महाराज, विशाल शेळके, विजय सगर, अशोक बोडके, इम्तियाज बागवान, अमन बागवान, विकास अलदर, शंभु पवार, किसन कोकरे, माजी नगरसेवक दिगंबर देवमारे, संजय बडवे, वाहीद बागवान, महादेव वाघमारे, अशोक बाबर, दादा गवळी, नागेश अर्तमवार इत्यादी मान्यवर उपस्थित होते.