एमआयडीसीची स्थानिकांची मागणी नाही हे ना.सुभाष देसाई यांचे उत्तर बेजबाबदार पणाचे !

              या बाबत भारतीय जनता पक्षाच्या व्यापारी आघाडीने शिवसेनेचे ना.सुभाष देसाई यांच्या या उत्तराचा समाचार घेत एमआयडिसीच्या मागणीसाठी सोलापूर जिल्हयाचे पालकमंत्री विजयकुमार देशमुख हे नवरात्र उत्सव काळात पंढरीत आल्यानंतर पंढरपूर तालुक्यात एमआयडिसी व्हावी अशी मागणी केली होती.त्यावेळी पालकमंत्री ना.देशमुख यांनी या मागणीची तात्काळ दखल घेत मुंबई मंत्रालय येथे ना.प्रविण पोटे यांच्या उपस्थितीत पंढरपूर एमआयडिसीच्या मागणीबाबत चर्चा करण्यासाठी बैठकही घेतली होती.या बैैठकीस ना.विजयकुमार देशमुख,ना.प्रविण पोटे,आ.बबनदादा शिंदे,बार्शीचे मा.आमदार राजाभाऊ राऊत यांच्याबरोबर भाजपा व्यापारी आघाडीचे पंढरपूर शहराध्यक्ष नितिन करंडेे,शहर उपाध्यक्ष संजय पालकर,शहर चिटणीस आनंद कुलकर्णी,जिल्हा उपाध्यक्ष राजभाऊ जगदाळे,भाजप युवा मोर्चा सरचिटणीस अक्षय देशपांडे,जिल्हा चिटणीस दत्तसिंह राजपूत आदी या बैठकीस उपस्थित होते.या बैठकीस एमआयडिसीचे वरिष्ठ अधिकारीही उपस्थित होते.या बैठकीवेळी आ.भारत भालके यांनी पंढरपूर तालुक्यात एमआयडिसी झाली पाहीजे अशा आशयाचे पत्रही दिले होते.

          या बैठकीच्या वेळी एमआयडिसीच्या वरिष्ठ अधिकार्‍यांनी लवरकच आम्ही पंढरपूर तालुक्यात येवून जागेची पाहणी करु असे आश्‍वासन दिले होते.भारतीय जनता पक्षाच्या माध्यामतून या एमआयडिसीच्या मागणीसाठी सहकार मंत्री सुभाष देशमुख,महसुल मंत्री चंद्रकांत पाटील यांच्याकडेही पत्रव्यवहार करुन व संपर्क करुन मागणी केली होती.असे असताना विधानसभेत हा मुद्दा उपस्थित झाल्यानंतर उद्योग मंत्री सुभाष देसाई यांनी स्थानिकांची एमआयडिसीची मागणीच नाही असे उत्तर देवून सभागृहाची दिशाभूल केली आहे.तर पंढरपूर तालुक्यातील जनतेचीही फसवणू केली आहे.स्थानिक जनता या मागणीसाठी कीती आग्रही आहे याची जाणीव ना.सुभाष देशमुख व्हावी या उद्देशाने भारतीय जनता पार्टी व्यापारी आघाडीच्या वतीेने शहर व तालुक्यात एमआयडीसी झाली पाहीजे यासाठी सह्याची मोहीम राबवीली जाणार आहे अशी माहीती व्यापारी आघाडीचे शहराध्यक्ष नितिन करंडे यांनी दिली आहे.