पंढरपूर Live 1 jun 2017
पंढरपूर तालुक्यातील विविध गावांमधून शेतक-यांनी उत्स्फुर्तपणे शेतकरी बंदला प्रतिसाद दिला आहे.
अनेक गावात विक्रीस नेण्याऐवजी भाजीपाला रस्त्यावर उतरवला तर अनेक ठिकाणी दुध रस्त्यावर ओतुन शेतक-यांनी आपला आक्रोश व्यक्त केला.
पळशी, सुपली, उपरी, गादेगाव, रांझणी या गावातील शेतकरी बांधवांनी रस्त्यावरती दूध ओतून दिले. भाजीपाला विकण्यासाठी निघालेल्या शेतकऱ्यांना थांबवून त्यांचा भाजीपाला रस्त्यावरती उतरवला.
अनेक ठिकाणी रावसाहेब दानवे, माधव भंडारी व भाजप सरकारचा निषेध केला गेला. शासनाने वारंवार
शेतक-यांच्या मागण्यांकडे दुर्लक्ष केल्याने आजच्या बंदच्या रुपाने
शेतक-यांच्या मनात ब-याच वर्षापासून शासनाविरुध्द खदखदत असलेला असंतोष उफाळून बाहेर आल्याचे दिसुन आले.
