नवी दिल्लीराष्ट्रपतिपदाच्या निवडणुकीची रणनीती ठरवण्यासाठी उद्या होणाऱ्या विरोधी पक्षांच्या बैठकीच्या आदल्या दिवशीच नीतीश कुमार यांनी ‘एनडीए’चे उमेदवार कोविंद यांच्या उमेदवारीला पाठिंबा जाहीर करत काँग्रेस आणि विरोधी पक्षांची कोंडी केली आहे. एकीकडे नीतीश कुमार यांनी एनडीएला पुरक भूमिका घेतली असताना, दुसरीकडे बिहारच्या महागठबंधनातील सर्वात मोठा घटक असलेल्या राष्ट्रीय जनता दलाचे प्रमुख लालूप्रसाद यादव यांनी मात्र विरोधकांच्या बैठकीत जो निर्णय होईल तोच आम्ही मान्य करू असे म्हटले आहे. नीतीश कुमार यांनी आपल्या आमदारांना काय सांगितले याबाबत आपल्याया माहिती नसल्याचे लालूप्रसाद यांनी म्हटले आहे. नीतीश कुमार आणि लालूप्रसाद यांच्या परस्परविरोधी भूमिकेमुळे बिहारमधील महागठबंधनात मतभेद असल्याचे स्पष्ट होत आहे
नीतीश कुमार यांनी आज पाटण्यात आयोजित केलेल्या आमदारांच्या बैठकीत कोविंद यांना समर्थन देण्याची घोषणा केली. त्यानंतर जेडीयूचे राष्ट्रीय प्रवक्ता के.सी. त्यागी यांनी कोविंद यांना समर्थन देण्याची औपचारिक घोषणा केली. गुरूवारी होणाऱ्या विरोधी पक्षांच्या बैठकीत जेडीयू सहभाग घेणार नाही असेही त्यांनी स्पष्ट केले. जेडीयूने एनडीएच्या उमेदवाराला दिलेले समर्थन हा विरोधी पक्षांच्या एकजुटीला मोठा धक्का मानला जात आहे. नीतीश कुमार यांच्या या निर्णयामुळे बिहारमधील महागठबंधनाच्या भविष्याबाबत नवे कयास बांधले जात आहेत.
गेल्या अनेक महिन्यांपासून जेडीयू आणि आरजेडीदरम्यानचे संबंध बिघडच चालले असल्याची राजकीय वर्तुळात ऐकायला मिळत होती. जेव्हा भाजप नेता सुशील मोदी यांनी लालूप्रसाद यादव यांच्यावर बेनामी संपत्तीबाबत केलेल्या आरोपांनंतर कोणताही जेडीयू नेता लालूप्रसाद यांच्या बचावासाठी पुढे आला नाही, त्याच वेळी दोन पक्षांमधील संबंध बिघडल्याचे संकेत मिळाले होते. गेल्या महिन्यात आयकर विभागाने लालूप्रसाद यादव यांच्या नातेवाईकांच्या घरी छापे टाकले होते. त्यानंतर केलेल्या ट्विटमध्ये लालूप्रसाद यादव यांनी नीतीश कुमार भाजपचा हात हातात घेणार असे संकेत दिले होते.
बातम्यांच्या अपडेटसाठी लाईक करा आमच्या फेसबुक पेजला फाॅलो करा
सर्वात जलद, सर्वात लोकप्रिय!
सर्वात जलद, सर्वात लोकप्रिय!
पंढरपूर लाईव्ह वर आपल्या व्यवसायाची जाहिरात द्या..
अल्पदरात!!
मुख्य संपादक-भगवान वानखेडे संपर्क- 8308838111
