तर मधूकर पिचड यांच्या विरोधात अदीम विकास परिषद राज्यव्यापी प्रतिआंदोलन करेल

पंढरपूर Live 14 October 2017

राज्य मंत्रीमंडळाच्या 3 ऑक्टोंबर रोजी झालेल्या बैठकीत कुटंबातील एकाकडे अनुसुचीत जमाती पडताळणी दाखल असेल तर रक्ताच्या नात्यातील इतर दाखले वैध ठरविण्याचा निर्णय घेतला आहे.या निर्णयाचा फायदा अनेक वर्षापासून या दाखल्या पासून वंचीत राहीलेल्या कोळी महादेव जमातीच्या बांधवाना होणार आहे.मात्र आता मधूकर पिचड हे काही ठरावीक नेत्यांना हाताशी धरुन शासनावर दबाव आणून हा निर्णय मागे घेण्यासाठी राज्यव्यापी आंदोलन छेडण्याची धमकी देत आहेत.जर त्यांनी या बाबत आंदोलन छेडले तर अदिम विकास परिषदेच्या माध्यमातून आम्ही उग्र प्रतिआंदोलन छेडू असा इशारा परिषदेचे जिल्हा उपाध्यक्ष नागेश अधटराव यांनी प्रसिध्दीस दिलेल्या पत्रकानव्ये दिला आहे.
 

या बाबत अधिक माहीती देताना अदिम विकास परिषदेचे जिल्हा उपाध्यक्ष नागेश अधटराव म्हणाले की,राज्य मंत्रीमंडळाने सामाजिक न्याय विभागाच्या शिफारशी नुसार कुटुंबातील एका सदस्याकडे जात वैधता प्रमाणपत्र असल्यास इतरांना पडताळणीची आवश्यकता नसल्याच्या शिफारशी मान्य केल्या आहेत.सोलापूर जिल्ह्यात कोळी महादेव जमातीच्या बांधवाना जात पडताळणी बाबत सातत्याने नव्या नव्या आदेशाचा अडथळा पार करण्यासाठी कसरत करावी लागत होती.शासनाच्या या निर्णयामुळे अनुसुचीत जमातीच्या दाखल्याच्या पडताळणीबाबत होणारी अडवणूक थांबणे अपेक्षीत असताना मधूकर पिचड हे शासनावर दबाव आणू पहात आहेत.मात्र आम्ही त्यांच्यापेक्षाही उग्र आंदोलन करुन शासनास या निर्णयावर ठाम राहण्यास भाग पाडू असा इशारा यावेळी नागेश अधटराव यांनी दिला आहे. 

पंढरीचे पहिले लोकप्रिय ई-न्युज वेब चॅनल व अ‍ॅन्ड्रॉईड अ‍ॅप.. !

सर्वात जलद, सर्वात लोकप्रिय!  पंढरपूर Live वर आपल्या व्यवसायाची जाहिरात द्या..अल्पदरात!!

कार्यालय:- कालिका देवी मंदिरा जवळ, संत रोहिदास चौक, पंढरपूर गोपाळपूर रोड, तालुका क्रीडा कार्यालयासमोर, पंढरपूर