विमानात कोणाला बसायचं नसतं? पण ते सगळ्यांनाच शक्य नसतं. याचे सर्वात मोठे कारण म्हणजे विमानाचे भाडे. सामान्य माणसासाठी विमानप्रवास खूप खर्चिक ठरतो आणि शेतकरी असेल, शेतात काम करत असेल तर त्याच्यासाठी विमानप्रवास एखाद्या स्वप्नापेक्षा कमी नाही.
ही आजी खरंतर युट्यूबर आहे आणि तिच्या मजेशीर व्हिडिओंमुळे सोशल मीडियावर प्रसिद्ध आहे. त्यांचे लाखो फॉलोअर्स आहेत. आजीचे नाव मिल्दुरी गंगाव्वा. ती हैदराबादपासून कित्येक किलोमीटर अंतरावरील एका गावात राहते. जेव्हा ती पहिल्यांदा विमानात बसली तेव्हा तिने आपल्या मजेशीर अदांनी लोकांची मने जिंकली होती.
व्हिडिओमध्ये आजी कशा प्रकारे संकोचाने विमानात चढतात हे दिसत आहे. मग ती आपल्या सीटवर जाऊन सीट बेल्ट लावून आरामात बसते. मग जेव्हा विमान उडते तेव्हा आजी आश्चर्याने सगळीकडे बघू लागते. खिडकीतून बाहेर बघताना त्यांना थोडी भीतीही वाटते. त्यानंतर विमानातून खाली उतरल्यावर ती आनंदाने उड्या मारते. संपूर्ण उड्डाणा दरम्यान तिने आपला पहिला उड्डाणाचा अनुभव तेलुगू भाषेत सांगितला आहे. हिंदी भाषिकांना आजीचे शब्द समजले नसले तरी हा व्हिडिओ आणि आजीचा आनंद पाहून लोकांना खूप आवडलाय.
दादीचा हा भन्नाट व्हिडिओ सोशल मीडिया प्लॅटफॉर्म इन्स्टाग्रामवर myvillageshow_anil नावाच्या आयडीसह शेअर करण्यात आला आहे, जो आतापर्यंत 6.5 दशलक्ष वेळा पाहिला गेला आहे, तर 65 लाखांहून अधिक लोकांनी या व्हिडिओला लाइक केले आहे आणि वेगवेगळ्या प्रतिक्रिया दिल्या आहेत. एका युजरने लिहिलं, ‘फक्त भाषा समजली नाही, बाकी सगळं समजलं’, तर दुसऱ्या युजरने त्याच पद्धतीने लिहिलं, ‘भाषा काहीच समजली नाही, पण चेहऱ्यावरचं हसू मनापासून सगळं सांगत होतं’.
